Liber II Caput XII
CAPITULUM XII
Miraculum sancti lacobi a domno papa Calixto editum
Anno incarnacionis Dominice millesimo centesimo sexto instante, miles quidam in Apullie horis gula, velut uter plenus, vento inflatus est. Qui cum a nullo medico sanitatis medelam inveniret, confisus in beato lacobo dixit, quod si invenire posset aliquam crusillam quam a sancto lacobo peregrini redientes secum deferre solent, et ex ea propriam gulam infirmam tangeret, statim remedium haberet. Quam cum aput quendam peregrinum, vicinum scilicet suum, inveniret, tetigit ad gulam et sanatur, et inde ad beati lacobi limina in Galleciam proficiscitur. A Domino factum est istut et est mirabile in oculis nostris. Ipsi Domino Patri et Filio et Spiritui Sancto sit decus et gloria in secula seculorum. Amen.
