Liber II Caput XIV

CAPITULUM XIV

Exemplum sancti lacobi a domno papa Calixto conscriptum

Anno incarnacionis Dominice millesimo centesimo septimo, quidam negocjator volens ad nundinas cum mercibus suis proficisci, ad dominum terre illius ad quam ipse profecturus erat, qui forte in villa in qua ipse negociator morabatur venerat accessit, rogans et petens ab eo ut eum secum duceret salvum in ferias illas et reduceret ad domum suam. Qui eius peticioni annuens promisit, se facturum, et dedit fidem. Negociator vero verbis tanti hominis credens, in partes illas, ubi nundine fiebant, cum mercimoniis suis profectus est. Postquam vero ille, qui fidem ej promiserat, ut illum et res suas custodiret salvumque duceret et reduceret, vidit instinctu diaboli comotus negociatorem et res eius accipiens in carcere trusit fortiterque constrinxit.

Ille vero memorie sue reducens innumerabilia miracula beati lacobi que a multis audierat, vocavit ilium sibi in auxilium, dicens: Beate lacobe, libera me de hoc carcere, et me et res meas tibi promitto dare. Beatus quippe lacobus gemitus eius et preces exaudiens, nocte quadam, evigilatis adhuc custodibus, illi in carcere apparuit, et imperans ei ut surgeret ad summitatem turris illum usque perduxit. Que se tantum inclinavit quod visa est cacumen suum in terra ponere. A qua sine saltu e lesione discedens, solutus a vinculis abiit. Custodes vero illum insequentes iuxta eum venerunt, et minime invenientes excecati retro abierunt. Catenas tamen, quibus ipse constrictus fuerat, ad beati apostoli basilicam in Galleciam secum deportavit, que usque hodie in testimonio tanti facti ante altare gloriosissimi lacobi pendent. A Domino factum est istut et est mirabile in oculis nostris. Unde Regi suppremo sit honor et gloria in secula seculorum. Amen.

Roboczy przekład tekstu na język polski

Powrót do nadrzędnej strony dotyczącej II części Kodeksu

Przejście do STRONY GŁÓWNEJ o Codex Calixtinus