Tekst źródłowy strony Liber III prolog

INCIPIT PROLOGUS BEATI CALIXTI PAPE SUPER TRANSLATIONEM BEATI IACOBI MAIOREM

Hanc beati lacobi translationem a nostro codice excludere nolui, cum tanta prodigia et trophea ad decus 
Domini nostri Ihesu Christi et apostoli in ea scribantur, que etiam minime ab epistola discordat, que beati Leonis 
nomine intitulatur. Sed sciendum quia beatus lacobus plures discipulos sed duodecim speciales habuit. Tres in 
Iherosolimitanis horis elegisse legitur, quorum Ermogenes presul effectus, et Filetus archidiaconus post eius 
passionem apud Antiochiam, multis miraculis decorati, sacra vita in Domino quieverunt, et beatus losias Herodis 
dapifer una cum apostolo martirio extitit laureatus. Nowem vero in Gallecia dum adhuc viveret apostolus 
elegisse
dicitur, quorum septem, aliis duobus in Gallecia predicandi causa remanentibus, cum eo lherosolimis 
perrexerunt, eiusque corpus post passionem per mare ad Galleciam deportaverunt, de quibus beatus 
lheronimus in martirologio suo, sicut didicit a beato Cromatio, scripsit, quod sepulto in Gallecia beati lacobi 
corpore, ab apostolis Petro et Paulo infulis episcopalibus aput Romam ordinantur, et ad predicandum Dei 
verbum ad Yspanias adhuc gentili errore implicatas diriguntur. Tandem vero predicatione sua inenarrabilibus 
gentibus illustratis, Torquatus Acci, Tissephons Vergu, Secundus Abula, Endalecius Urci, Cecilius Heliberri, 
Esicius Carcese, Eufrasius Eliturgi, scilicet Idus Maii quieverunt. Extat obtimum miraculum usque hodie in 
testimonio preciose mortis eorum. Nam, ut inquit, in prefata sollempnitate eorum wigilia scilicet aput Accintinam 
urbem ad sepulcrum sancti Torquati retro ecclesiam annuatim arbor
olive divinitus florens maturis fructibus honestatur, e quibus oleum ilico agitur, unde lampades ante 
eius altare venerandum accenduntur. Alii vero duo discipuli, Athanasius scilicet et Theodorus, ut in ipsa beati 
Leonis epistola scribitur, iuxta apostolicum corpus, unus ad dexteram et alius ad lewam sepeliuntur. Nec 
cuiquam debet videri quod Athanasius sit Esicius, curn alter sit Esicius et alter Athanasius.

Sed quid de libello huius translationis circa quendam beati lacobi peregrinum nostris temporibus accidit, nobis 
est dicendum. Clericus quidam michi notus, sancti lacobi amator et peregrinus, hanc translationem cum 
quibusdam aliis apostoli miraculis, volens secum ad patriam suam deferre, cuidam Fredemando scriptori in urbe 
eiusdem apostoli scribere fecit, et viginti rothomagenses in precium impertiit. Qui cum libellum dato precio 
acciperet, et in apostolica baselica angulo quodam secrete solus legeret, super gremium suum tot nummos quot 
scriptori dederat repperit, quos a nullo mortali sed ab apostolo divinitus imposuisse credidit. Quapropter beatus 
apostolus largissimus remunerator esse creditur donis celestibus, qui tam cito serwum suum terrenis 
remuneravit muneribus.

                     EXPLICIT PROLOGUS



[[Liber III Codex Calixtinus|Powrót do nadrzędnej strony dotyczącej III części Kodeksu]]

[[Codex Calixtinus|Przejście do STRONY GŁÓWNEJ o Codex Calixtinus]]


[[Kategoria:Rozdziały Codex Calixtinus]]